image

PeyamaKurd - Papa Francis di serdana xwe ya Herêma Kurdistanê de, li Yarîgeha Navdewletî ya Franso Herîrî ya Hewlêrê bi beşdariya deh hezar kesan merasîmeke taybet birêve bir. 

Papayê Vatîkanê Papa Francis piştî sefera xwe ya Mûsilê gihîşt Yarîgeha Navdewletî ya Franso Herîrî û li Hewlêrê û beşdarî merasîmeke taybet a nimêja qedeseyê bû.

Di merasîma Yarîgeha Franso Herîrî de Serokwezîr Mesrûr Barzanî, Serokê Herêma Kurdistanê Nêçîrvan Barzanî û Cîgirê Serokwezîrê Herêma Kurdistanê Qubat Talabanî û Cîgirê Serokê Herêma Kurdistanê Şêx Cefer Şêx Mistefa, Nûnera Taybetî ya Sekreterê Giştî yê Neteweyên Yekbûyî li Iraqê Jeanine Plasschaert û nûnerên hemû pêkhateyên li Herêma Kurdistanê beşdarî kirin.

Merasîma nimêja qedas nerîteke taybet a mesîhiyan e û Papa heta niha li gelek welatan ew merasîm birêve birine.