image

PeyamaKurd - Li Çînê fîlma ku hetanî niha bi budçeya herî zêde hat çêkirin di vizyonê de negihîşt mirazê xwe.

Li gor nûçeya BBCyê, fîlma fantastîk a bi navê "Asura" ya ku bi 112 milyon dolarî hate amadekirin di hefteya ewil a kete vizyonê de 7 milyon dolar dahat bi dest xist.

Piştî ku xeyalên wan serobino bûn çêkeran biryar da ku fîlmê ji vizyonê vekişînin. Çêkeran got ku ew ê hinekî li ser fîlmê bilîzin, guherînan bikin û di nav salekê da dîsa derxin vizyonê.

Di fîlmê de qala mîtolojiyeke Çînê ya ku çavkaniya wê ji baweriya Budîzmê tê dikin û şivanekî xort ji bo welatê xwe biparêze li dijî cinawirê fantastîk berxwedanê dide.

Di fîlmê de lîstikvanên sereke yên Çînê rol girtine, efektên dîtbarî yên fîlmê jî balê dikişînin.