image

PeyamaKurd – Psychology Kurdî, bi hejmara xwe 12an ve, bi dosyeya “Derûnnasiya Rexneyî” hat weşandin. Bi vê dosyayê, armanc kirine derûnnasiya rexneyî ya ji aliyê zanistî, felsefî, civakî û polîtîk rexneyan li derûnnasiya serdest digire û di derûnnasiyê de guhertinên binyadî armanc dike, bi hevpeyvîn û nivîsên curbicur bînin rojevê.

Jan İlhan Kızılhan, bi nivîsa xwe ya “Girîngiya Dadmendiyê di Dermankirina Psîkoterapîk de” ku Aydın Rengîn ji îngilîzî wergerandiye, rola dadmendiyê di tendirustiya derûnî de nirxandiye û bi awayekî hurgilî girîngiya dadmendiyê ji xwendevanan re rave kiriye.

Ian Parker derûnnas, psîkoanalîst û akademîsyenek e û herwiha di qada derûnnasiya rexneyî de gelek xebat û lêkolîn kirine. Kovara Derûnnasiyê pê re li ser derûnnasiya rexneyî, komên marjînelîzekirî, cudahiyên çandî, nijadperestî, cudakerî û kolonîzasyona entelektuel hevpeyvînek kiriye. Herwiha cih dane nivîseke wî û Erica Burman ya bi navê “Derûnnasiya Rexneyî: Çar Tez û Heft Şaşî.” ku hîmê derûnnasiya rexneyî ye. Süleyman Keskinî nivîs ji îngilîzî wergerandiye.

Nivîsa ‘Nêrîneke Rexneyî li Xebatên Derbarê Qada Derûnnasiya Civakî’ ya Ercan Şen, Mete Sefa Uysal, Elif Sandal Önal û Yasemin Gülsüm Acarê, bi awayekî rexneyî û sîstematîk li ser xebatên derûnnasiya civakî yên derbarê meseleya Kurdan de hûr bûne û sedemên kêmasiya van xebatan ji aliyê derûnnasiya rexneyî ve nirxandine.Abdulsıttar Özmenî ev nivîs ji Tirkî wergerandiye

Gülnaz Karatay, Azad Günderci, Murat Cem Demir, Nazan Gürarslan Baş, Yadigar Çevik bi nivîsa xwe ya “Bandorên Psîko-trawmatîk yên Dêrsim’38ê li ser Nifşên Duyem û Sêyem” lêkolînek bi xwendevanên kovarê re par ve kirine.

Herwiha nivîsên Sertan Batûr, Baran Gursel, Yûsûf Siyahtaş, Adem Yildirim, Gulperî Gunduz, Bîlal Korkût û Erdal Gulî di vê hejmarê de hatine weşandin.