image

PeyamaKurd – Hat ragihandin ku hikûmeta Iraqê niyet kiriye sê sifirên dînarê pereyê Iraqê bavêje, lê du şert pêşiya wan hene.

Şîretkarê serokwezîrê Iraqê Mezher Salih ji medyaya Iraqî re daye xuyakirin, ew dixwazin sê sifirên diravê Iraqî rakin lê du şert li pêşiya vê yekê hene.

Mezher Salih gotiye, şertek ew e ku divê aboriya cîhanê pêş bikeve û aramiya nirx pêk were, şerta duyem jî aramiya siyasî pêk were.

Şîretkarê Kazimî diyar kir, her gava ew du şertên han bicih hatin wê çaxê ew dikarin sê sifirên diravê Iraqî rakin da ku li şûna hezar dînarê niha diravê yek dînarî were bikaranîn û nirxa dirav zêde bibe.