image

PeyamaKurd – Li bazareke naverasta Bexda ya paytexta Iraqê, agirekî mezin derket.

Li gor çavkaniyekî ewlehiyê ji çapemeniyê re diyar kir, îro agirekî mezin li bazara Înê ya Suq El Cume ya li navçeya Nehze ya naverasta Bexdayê ketiye.

Herwiha da zanîn, di bazarê de tiştên destê du yên navmalê, amûrên mezin û biçûk ên elektronîk tên firotin. Piştî şewat derket tîmên şaristaniyê 30 tîmên agirkuj şandin cîhê bûyerê û niha jî mijûlê temirandina agir in.

Heta niha bi fermî zerar û ziyanên agir nehatine ragihandin.