image

PeyamaKurd – Çekdarên nenas bi guleyan êrîşî namzedekî hilbijartinên pêşwext ên Parlamentoya Iraqê kirin.

Li gor nûçeya çapemeniya Iraqê, şeva 08.10.2021ê çekdarên nenas bi çekan êrîşek li hember namzedê Tevgera Wefa ya Iraqê Sedîr Xefacî pêk anîne.

Zanyariyên çapemeniya Iraqê diyar dikin, di dema Sedîr Xefacî li mala Şêx Ews Xefacî ya li navçeya Kerade ya Bexdayê hatiye der, gule li wî hatine berdan.

Êrîşa çekdarî li dû xwe ziyanên madî gîhand otomobîla wî namzedî, lê tu ziyaneke canî pêk nehat.