image

PeyamaKurd - Serokwezîrê Iraqê Mistefa Kazimî îro 21ê Nîsanê hin biryar derbarê karê desteya hilberînê de derxistin ku di wan biryaran de moleta hezar û 128 projeyên hilberînê jî hat hilweşandin.

Ofîsa ragihandina serokwezîrê Iraqê ragihand: “Îro Serokwezîrê Iraq Mistefa Kazimî serdana desteya hilberînê kiriye daku ji nêzîk ve agahdarê kar û wan pirsgirêkan be ku li Iraqê rastî desteya hilberînê dibin.”

Di daxuyaniyê de hat diyarkirin piştî wê serdanê Kazimî çend erkdarî û biryarên nû derxistine û biryar daye: ‘Moleta hemû wan projeyên hilberînê tê hilweşandin ku rêjeya bicshanîna wan di navbera sedî 0 heta 35 e û dema hatiye diyar kirin ji bo çêkirina wan bi dawî bûye û hejmara wan projeyên ku dikevin nav wê biryarê jî hezar û 128 proje ne.”

Herwiha hat eşkerekirin, “Divê bi temamî pêbend bin bi hukmê madeya 28 a yasaya hilberînê ve, heman demê de hişyarî ji xwediyên projeyan re hatiye dayîn ku projeyên xwe temam nekirine û desteya niştimaniya hilberînê serpereştî û çavdêriya bicihanîna wan tedbîran dike.”

Di xaleke din a biryar û erkdariyên Kazimî de hatiye gotin, “Dema ku hilberîner pêbend nebe bi dema bicihanîna projeyê ve moleta wî jê tê standin.”