PeyamaKurd – Piştî ku doh 3yê Hezîranê Serokomarê Tirkiyê Recep Tayyîp Erdogan, kabîneya xwe ya nû ya hikûmetê eşkere kir, hat ragihandin ku yekem civîna kabîneyê 6ê Hezîranê tê lidarxistin.
Di kabîneya nû ya Hikûmeta Tirkiyê de, du Kurd weke wezîr hatine peywirdarkirin. Yek ji wan Wezîrê Xezîne û Darayî Mehmet Şîmşek ji bajarê Batmanê ye, Cîgirê Serokomar Cevdet Yilmaz jî ji bajarê Çewligê ye ku herdu jî wekî wezîrên herî girîng ên kabîneyê ne.
Îro Yekşemê di navbera cîgirên berê û wezîrên berê û yên nû de merasîmên radestkirina peywirê pêk tên û piştre jî endamên nû yên kabîneyê li Lijneya Giştî ya Parlamentoya Tirkiyeyê sond dixwin û dest bi kar dikin.
Serokomarê Tirkiyê Recep Tayyîp Erdogan ragihand ku yekem civîna kabîneya nû roja Sêşemê 6ê Hezîrana 2023an tê lidarxistin.
Wezîrên kabîneya nû ya Erdogan ev in:
Cîgirê Serokomarê Tirkiyê: Cevdet Yilmaz
Wezareta Dadê yê Tirkiyê: Yilmaz Tunc
Wezareta Malbat û Xizmetên Civakî: Mahinur Ozdemir Goktaş
Wezareta Kar û Ewlekariya Civakî: Vedat Işikhan
Wezareta Jîngeh, Bajarvanî û Guhertina Avhewayê: Mehmet Ozhasekî
Wezareta Derve: Hakan Fidan
Wezareta Enerjî û Çavkaniyên Xwezayî: Alparslan Bayraktar
Wezareta Ciwanan û Werzişê: Osman Aşkin Bak
Wezareta Xezîne û Darayî: Mehmet Şîmşek
Wezareta Navxweyî: Alî Yerlîkaya
Wezareta Çand û Geştyariyê: Mehmet Nûrî Ersoy
Wezareta Perwerdehiyê: Yusuf Tekin
Wezareta Berevaniyê: Yaşar Guler
Wezareta Tenduristiyê: Fahrettin Koca
Wezareta Pîşesazî û Teknolojiyê: Mehmet Fatih Kacir
Wezareta Çandinî û Daristanan: Îbrahîm Yumaklî
Wezareta Bazirganiyê: Omer Bolat
Wezareta Gihandin û Binesaziyê: Abdulkadir Uraloglu
