image

PeyamaKurd Rêberê Tevgera Sedir Muqteda Sedir, di derbarê derbaskirina nakokiyên navbera wan ên li ser pêkanîna hikûmetê de, biryar e îro bi rêveberên Çarçoveya Hemahengî yên hêzên Erebên Şîe bicive.

Li gor çapemeniya Iraqê diyar kir, do êvari Sedir gihîştiye Bexdayê û wê bi rêveberên Çarçoveya Hemahengî re, dest bi civînan bike û Hadî Amrî jî nav wan de ye.

Herwiha li gor çavkaniyeke nêzîkî Muqteda Sedir, biryar nîne ku guhertin di nêrîna Sedir a di pêkanîna hikûmetê de hebe û ev civîna duyeme di navbera wan aliyan de.

Berî naha Çarçoveya Hemahengî ragehandibû hevdîtin û civînên li gel Tevgera Sedir berdewam dibin, heta rêkeftin li ser pêkanîna hikûmeta nû ya Iraqê bê kirin.