image

PeyamaKurd - Balyozxaneya Amerîka ya Sûriyê, zêdebûna tundiyê û êrîşên li Sûriyê şermezar kir û bang li hemû aliyan kir ku li gorî agirbestê tevbigerin.

Balyozxaneya Amerîka ya Sûriyê li ser hesabê xwe yê Twitterê ragihand: “Amerîka zêdebûna tundiyê û êrîşan li Sûriyê şermezar dike. Em bang li hemû aliyan dikin ku li gorî agirbestê tevbigerin, yekser dawiyê li aloziyê bînin û beriya her tiştî jî sivîlan biparêzin.”

Hêjayî bibîrxistinê ye, doh 20ê Cotmehê li bajarê Kobanî yê Rojavayê Kurdistanê droneke Tirkiyê êrîşek biribû ser otomobîlekê û tê de 2 kes hatibûn kuştin û 3 jî birîndar bûbûn ku kesên sivîl û endamên rêveberiya xwecihî bûn.