image

PeyamaKurd – Hat ragihandina ku li nêzîkî beravên bendera Banyas a Sûriyê, teqînekê rû daye ku agir bi keştiyeke petrolê ketiye.

Çavdêriya Mafên Mirovan li Sûriyê (SOHR) ragihand ku teqîn di keştiya tankêr a petrolê de çêbûye, lê derbarê ziyanên wê û sedema teqînê de ti hurgilî belav nekirin.

Di nûçeya SOHRê de hatiye gotin ku îhtimala xirabûneke teknîkî di keştiyê de, kêm e û hê nehatiye zanîn bê li pişt wê bûyerê kîjan alî heye.

Li aliyê din medya fermî ya Sûriyê jî îdia kiriye ku teqîn dema xebatên temîrkirina keştiyê rû daye.