image

PeyamaKurd- Li Binxetê li bajarê Tirbesipiyê agir bi zeviyên gundiyan ketin û bi dehan gund ji mehsûlên îsal bêpar man. Li gor agahiyên herêmê heya niha agir berdane 30 gundan zêdetir. Herkes behsa qesdê dike û agir ne ji ber xwe ve ketiye wan araziyan.

Gundên ku îro li Binxetê şewitîne: Xizna, Hasûdê, Sûqiyê, Hûmara, Tayê, Xirba Bîr, Sehl, Qesrok, Hemed Diyab, Tenûriyê, Biyaza, Sîha Mezin, Sîha Biçûk, Leylan, Xerdûkê, Bişêriyê, Gundikê Seyîd, Girê Pirê, Girdahol, Girşîran, Gerdîm Helîmê, Mizgeft û 6 gundên din hene ku hêj şewat lê dewam dike.

Berpirsiyarê vê zerara giran kiye û divê çawa bê gotin, ew tişteka dinêye. Wî kê zerar û ziyana Kurdên cotyar bide, ne diyare. Tê gotin ku heya niha li dora 180 hezar donum zad şewitiye. Lê baweriya xelkê ev e ku li pey vê şewatê desten gemarî hene.