image

PeyamaKurd – Li Rojavayê Kurdistanê û herêmên rêveberiya xweser 83 kesên din bi koronayê ketin û 4 kesan jiyana xwe ji dest da.

Hevserokê Desteya Tenduristiyê ya Rêveberiya Xweser Dr. Ciwan Mistefa ragihand, 4 kesan ji vîrusa koronayê can daye ku mêrek ji Hesekê û yek ji Qamişlo û mêrek û jinek jî ji Minbicê ne.

Dr. Mistefa eşkere kir ku 83 kesên din jî li herêmên wan bi Covid-19 ketine ku ew jî 41 mêr û 42 jin in.

Li Rojavayê Kurdistanê hejmara pêketiyên koronayê gihîşt 16 hezar û 911 kesan, ya mirinan bû 694 kes û heta niha hezar û 739 kes jî baş bûne.