image

PeyamaKurd- Şîrketa hewayî ya Pegasusê di 17 ê temmûzê de dest bi seferên navbera bajarê Antalya Tirkiyê û payîtexta başûrê Kurdistanê Hewlêrê dike. Her hefte dê 3 roj seferan pêkbîne.

Rêwiyên ku bixwazin di navbera her dû bajaran de seferan bikin, wê bikaribin bi bihayê 150 dolarî û zêdetir bilêta xwe bikirin. Rojên ku sefer bên kirin roja sêşem, în û yekşemê ne.

Pegasus her weha bo Beyrûdê jî seferên xwe danî. Seferên Beyrûdê wê di 20 ê temmûzê de destpêbikin. Bilêtên bo Beyrûdê ji 90 dolarî destpêdike. Hefteyê 4 roj jî bo Beyrûdê dê sefer hebin. Rojên duşem, çarşem, în û yekşemê.

Piştî “referandûma serxwebûnê” ya başûrê Kurdistanê Tirkiye li ser daxwaza hukumeta Bexdayê temamê seferên hewayî yên Kurdistanê rabû rawestandin.