9. Festîvala Şanoyê ya Amedê destpê dike

PeyamaKurd - Li Amedê starta 9. Festîvala Şanoyê tê dayîn. 9. Festîvala Şanoyê ya Amedê wê bi beşdariya gellek komên şanoyê yên Bakur, Başûr û Rojhilatê Kurdistanê bê lidarxistin.

Şanoya Bajêr a Amedê 9emîn Festîvala Şanoyê ya Amedê li dar dixe.

Slogana îsal a festîvalê “Bi HEBÛNa xwe, bi XWEBÛNa xwe” ye.

Festîval, dê sibe (18ê Nîsanê) dest pê bike û heta 27ê mehê berdewam bike.

Lîstîkên festîvalê dê li Navenda Kongreyê ya ÇandAmed û Eywana Şanoya Bajêr a Amedê û ÇandMayê bên lîstîn.

Komên şanoyê yên bajarên Kerkûk û Dihokê yên Başûrê Kurdistanê û komên şanoyê yên Urmiye û Seqizê yên Rojhilatê Kurdistanê jî dê derkevin ser dikê.

Herwiha komên şanoyên yên bajarên bakurê welêt û bajarên Tirkiyeyê jî beşdarî festîvalê bibin.

Di festîvala ku wê 19 leyztik bên leyztin de zimanê 14 leyztikan Kurdî û yê 5 leyztikan jî Tirkî ye.

Komên beşdarî festîvalê dibin û leyztikên wan ev in:

Şermola Performans - Buka Lekî

BGST - Afet İle Dina

Koma Hawar - Salma

Duhok - Derwêş yan Gudû

Urmiye - Efsaneya Hespên Azad

Koma Rîtûel - Habîl û Kabîl

Koma Ronya-Seqiz - Odip

ŞanoAr - Kral û Travîs

Teatra Ba - Çînûr

Dubare Kumpanya - Zîd û Han

Şanoya Bajêr a Amedê - Mirina Jeanne D’arce ya din

Teatroger - Ceyran

Şanoya Bajêr a Amedê (Dimilkî) - Strip-Tease

Fiziksel Tiyatro Araştirmalari - Kalabalik Tiyatrosu

Tiyatro Proje No2 - Bernarda

Şaneşîn Performans - İnfaz

Golge Tiyatro Toplulugu - Otopsi

Yolcu Tiyatro - Gomidas